வாஸ்து சாஸ்திரம் நம்முடைய வாழ்க்கையில் பல நன்மைகளை ஏற்படுத்துவதாக சொல்லப்படுகிறது. இதை நாம் முறையாக பின்பற்றுவதன் மூலம் நம்முடைய வாழ்க்கையில் பல நன்மைகளை பெற முடியும். நேர்மறை ஆற்றல்கள் அதிகரிக்கும். ஒவ்வொரு மாதமும் வரும் வாஸ்து நாட்களில் பூமி பூஜை செய்து, கட்டிட பணிகளை துவங்கினால் அவைகள் எந்த வித தடையும் இல்லாமல் சிறப்பாக நிறைவடையும் என்பது ஐதீகம்.

கட்டிடக்கலையில் காலம் காலமாக பாரம்பரிய முறையில் பின்பற்றப்படும் சாஸ்திர முறைக்கு வாஸ்து சாஸ்திரம் என்றும் பெயர். வாஸ்து சாஸ்திரம் என்பது மனிதர்களின் வாழ்க்கையுடன் நெருங்கிய தொடர்பு கொண்டதாகும். வாஸ்து புருஷர், ஆண்டின் சில குறிப்பிட்ட நாட்களில் மட்டுமே கண் விழிப்பதாக நம்பப்டுகிறது. இந்த நாட்களில், ஒரு குறிப்பிட்ட நேரங்களில் மட்டும் நேர்மறை ஆற்றல்கள் மிகவும் அதிகரித்து காணப்படும். இந்த நேரத்தில் கட்டுமானப் பணிகளை செய்வதால் அந்த இடத்தில் செல்வ செழிப்பு, ஆரோக்கியம், குடும்ப ஒற்றுமை, வெற்றி, மன அமைதி உள்ளிட்டவைகள் நிறைந்திருக்கும் என்பது நம்பிக்கை.